Sumakabilang buhay na si dating Senador Ramon Revilla, Sr.
Ipinabatid ito ni Senador Ramon Bong Revilla Jr., sa Facebook live habang umiiyak at humihingi ng dasal para sa kaniyang ama.
Ipinakita rin ng senador sa Facebook live ang eksena sa hospital room matapos pumanaw ang 93 taong gulang na dating senador.
Gabi ng Mayo 31 nang isugod sa ospital ang tinaguriang hari ng agimat ng pelikulang Pilipino matapos mahirapang huminga.
Ilang araw nanatili sa ICU ng St. Lukes Sa BGC, Taguig ang dating senador at June 14 nang mailipat sa regular room matapos bumuti ang kondisyon.
Ang matandang Revilla ay naging senador nuong 1992 hanggang 2004.
