Nasabat ng mga tauhan ng Philippine Drug Enforcement Agency o PDEA ang may 4 at Kalahating Kilo ng Shabu na nagkakahalaga ng 6 Milyong Piso
Ito’y matapos madiskubre ng mga tauhan ng PDEA sa bag ng isang Chinese National sa Mactan – Cebu International Airport
Kinilala ng mga awtoridad ang suspek na si Zhou Li Ming, 27 anyos at pasahero ng Cathay Pacific mula Xianmen, China
Napansin ng K9 officer ng PDEA na si Olibert Estillore ang pagiging balisa ni Zhou habang papunta ito sa pila ng Bureau of Customs at napansin na pabalik-balik ito sa palikuran
Dahil dito, isinalang sa x-ray ang Blue Trolley ni Zhou at napansin ng operator na may ilang piraso ng plastic container sa loob nito
Ipinaamoy sa K9 dogs ang nasabing bag at duon tumambad ang kilu-kilo ng droga nang buksan ito
Naiyak pa ang suspek ngunit hindi ito umubra sa mga awtoridad kaya’t agad siyang inaresto
By: Jaymark Dagala
