Nagpaliwanag si Jennylyn Mercado hinggil sa pagkakaudlot ng kanilang pelikula ni Coco Martin sa ilalim ng Star Cinema.
Nilinaw ni Jennylyn na walang kinalaman ang kanyang Home Network dito dahil sa ang tunay na dahilan aniya ay ang kanilang di magkatugmang mga schedule.
Sinabi ni Jennylyn na kung maisisingit at maisisingit ay gagawin nila ang pelikula ngunit sadya aniyang hindi kakayanin.
Binigyang diin pa ni Jennylyn na buo ang suporta sa kanya ng kanyang Home Network na GMA sa paggawa nito ng pelikula kahit sa ibang film company.
Matatandaang pinakahuling pelikula ni Jennylyn ay ang Just The Three Of Us kung saan kasama nito sa pelikula ang kapamilya actor na si John Lloyd Cruz.
By: Ralph Obina
