Muling binuweltahan ni Justice Secretary Leila de Lima si Davao City Mayor Rodrigo Duterte.
Ayon kay de lima, maaari siyang insultuhin ng alkalde, pero hindi nito kayang pigilin ang kanyang pagsasalita hinggil sa operasyon ng Davao Death Squad at sa summary execution.
Binigyang diin ni de Lima na hindi siya kayang takutin ng sinuman, at hindi din siya papadala sa anumang banta, laban sa kanya.
Una nang hinamon ni Duterte si de Lima na kasuhan siya, at sinabing siya pa mismo ang magko–cross examine sa kalihim, sa pagsalang nito sa witness stand.
By Katrina Valle | Bert Mozo (Patrol 3)
