Hinostage ng isang sundalo ang higit 30 pasahero ng bus sa Camarines Sur kahapon.
Batay sa salaysay ng mga biktima, in full battle gear si Army Corporal Rene Prajele na may dala pang M-16, kalibre .45 na baril, na may hawak pang granada nang sumakay sa ito sa Bobis Liner na biyaheng Maynila.
Lumipat naman ito sa Penafrancia Bus saka dito nagdeklara ng hostage taking.
Nagawa umano ito ng sundalo dahil sa kanyang problema sa kanyang asawa na sinasabing mayroong karelasyong iba.
Matapos naman ang halos 5 oras na pakikipag-negosasyon ng pinagsamang mga pulis at sundalo ay sumuko rin si Prajele.
Dahil dito, nahaharap ngayon sa kasong kidnapping with serious detention ang sundalo.
By Rianne Briones
