Diskumpyado si Senador Leila de Lima sa balitang si dating Pangulong Fidel Ramos ang source ng impormasyon nag-uugnay sa kanya sa iligal na droga.
Kwestyon ng Senadora ay kung ano ba ang impormasyon na sinasabing galing kay FVR, gayung pawang manufactured ang sinasabing mga ebidensya na nag-uugnay sa kanya sa illegal drugs.
Samantala, sinabi pa ni De Lima na ang paglilinaw ng isang bangko na hindi sa dating staff niya sa Department of Justice ang sinasabing bank account na may lamang 24 Million Pesos ay isang patunay na talagang manufactured ang mga sinasabing ebidensya laban sa kanya.
Giit ng Senadora, paulit ulit na lang ang mga gawa gawang akusasyon laban sa kanya kayat nakakapagod na aniya ang paulit ulit niyang pagde-deny sa mga ito.
By: Meann Tanbio / (Reporter No. 19) Cely Bueno
