Mahabang pila pa rin sa Metro Rail Transit (MRT) ang sumalubong sa mga commuter ngayong araw.
Ito ay dahil sa 12 lamang mula sa 20 tren ng MRT ang bumibiyahe simula alas-7:00 kaninang umaga.
Ayon kay MRT General Manager Roman Buenafe, karamihan sa problema ng mga tren ay ang air conditioning.
Tiniyak naman ni Buenafe na ginagawa ng kanilang mga tauhan ang lahat upang muling maibalik at maka-biyahe ang mga iba pang tren ng MRT.
Samantala, dahil sa mahabang pila ng mga pasahero sa mga istasyon ng MRT, nagbigay naman ng libreng sakay ang MMDA para sa mga apektadong commuter.
