Nagmistulang lindol di umano sa pakiramdam ang lakas ng bagyong Ferdie sa Batanes.
Batay ito sa paglalarawan ni Batanes Governor Marilou Cayco sa kasagsagan ng pagbayo ng Bagyong Ferdie sa lalawigan.
Ayon kay Cayco, halos maramdaman nila ang pagyanig ng gusali ng kapitolyo dahil sa lakas ng hangin.
Samantala, bumagsak na di umano ang linya ng komunikasyon sa Itbayat Batanes kung saan direktang tumama ang bagyong Ferdie.
Ayon sa Office of Civil Defense sa Region 2, hindi na nila makontak ang Itbayat dahil wala rin silang satellite phone na alternatibo sana sa regular na komunikasyon.
Direktang tinamaan ng lakas ng bagyong Ferdie ang lalawigan ng Batanes na inilagay sa storm signal no. 4
By: Len Aguirre
