Balik operasyon na ang Philippine National Railway (PNR) sa June 15.
Ipinabatid ito ni PNR General Manager Joseph Allan Dilay na nagsabing magkakaroon din ng partial operation o dry run ang tren na may biyaheng Tutuban-Alabang.
Una nang sinuspinde ang operasyon ng PNR noong May 5 para sa rehabilitasyon ng riles na ninakawan ng ilang parte na naging dahilan nang pagtagilid nito noong April 29 na ikinasugat ng mahigit 50 katao.
Nasa P500,000 piso ang lugi ng PNR sa kada araw na hindi ito bumibiyahe.
