Nagbanta si Senadora Riza Hontiveros na hindi niya tatantanan ang pagkondena sa ginawang pagdedetalye ng nilalaman ng umano’y sex video ni Senadora Leila de Lima
Ito’y kahit pa hindi naman naipalabas o naisapubliko ang nasabing video sa ikatlong pagdinig ng house committee on justice hinggil sa illegal drug trade sa New Bilibid Prison o NBP
Ayon kay Hontiveros, nakagagalit at nakadidismaya aniya ang naging hakbang dahil sa malinaw na isa itong uri ng paglapastangan sa dignidad at karapatan hindi lamang ni Senador De Lima kundi ng lahat ng mga babae
Dahil dito, sinabi ni Hontiveros na kaniyang kakausapin ang kaniyang mga kapwa Senador hinggil sa usapin makaraang magkaisa sila na magpasa ng resolusyon na kumokondena sa pagpapalabas ng nasabing video
By: Jaymark Dagala / Cely Bueno
