(Updated)
Kinumpirma ni Public Affairs Office Chief Col. Edgar Arevalo na naaresto na nila ang ilan sa mga suspek sa pagsabog sa Davao City night market.
Sinabi ni Arevalo sa paunang report na ang mga naarestong suspek ay mga hinihinalang terorista.
3 MIYEMBRO NG MAUTE GROUP, NASA LIKOD NG PAGPAPASABOG SA DAVAO NIGHT MARKET
Pormal nang ipinakilala sa publiko ng Department of National Defense ang tatlong pangunahing suspek sa nangyaring pagpapasabog sa Roxas Night Market sa Davao City nuong isang buwan
Kinilala ni Defense Secretary Delfin Lorenzana ang tatlo na sina TJ Tagadaya Macabalang alyas Abu Tufrael, Wendel Facturan at Musali Mustapha
Nagsilbing triggerman si Macabalang habang bomb courrier naman si Facturan at si Mustapha naman ang siyang nagdokumento sa pangyayari
Pawang mga kasapi aniya ng Maute group ang tatlo na nagnanais na maghasik ng lagim sa bansa bilang pagsuporta sa teroristang grupong isis
Sa pagharap ng militar sa tatlo, ipinapanood din ang video na kuha ni Mustapha kung saan, sumigaw pa ng “Alah hu Akbar” si Facturan na siyang hudyat ng pagpapasabog sa bomba
By Katrina Valle | Jonathan Andal (Patrol 31) / Jaymark Dagala
