Bukas si Senador Leila de Lima sa kasong isinampa laban sa kanya sa Dept. of Justice.
Ayon kay De Lima, mas gugustuhin na nya na kinasuhan sya sa tamang forum na puede nyang sagutin kumpara sa panghihiya lamang na ginagawa sa kanya sa imbestigasyon ng House of Representatives.
Gayunman, kinuwestyon ni De Lima kung bakit isinampa ang kaso sa Dept. of Justice na anya ay pinamumunuan ng tinawag nyang master of fakery.
Mas magiging mabilis anya sana ang proseso kung idineretso na ito sa Office of the Ombudsman dahil ang mga ina akusa sa kanya ay nangyari naman nuong sya pa ang kalihim ng DOJ.
Una nang kinasuhan ng VACC o Volunteers Against Crime and Corruption si De Lima ng drug trafficking kasama ang anim na iba pa na kinabibilangan rin nina Jaybee Sebastian at Jonel Sanchez.
By: Len Aguirre / Cely Bueno
