Sa kabila ng pag-ulan nitong mga nakaraang araw, mainit pa rin ang panahon ngayong weekend at posibleng pumalo ito sa 40 degrees celsius o higit pa sa ilang lugar.
Ayon sa Philippine Atmospheric Geophysical and Astronomical Services Administration (PAGASA), ang heat index o init factor ay maaaring umakyat ng hanggang 40.4 degrees celsius sa Tuguegarao City sa araw ng Sabado at sa Lunes.
Mataas din ang heat index sa Metro Manila ngayong araw o 39.8 degrees at 39.3 degrees naman sa Metro Cebu sa Linggo.
Dahil dito, payo ng pag-asa sa publiko, hangga’t maaari ay iwasang lumabas ng bahay, magsuot ng magaang at maninipis na damit at uminom ng maraming tubig.
By Jelbert Perdez
