Kinumpirma ng White House na dadalo si US President Barack Obama sa gagawing Asia Pacific Economic Cooperation o APEC Summit sa susunod na buwan na gagawin sa Peru.
Ngunit ayon kay US Press Secretary John Earnest, di nila matiyak sa kung matutuloy na ang naunsyaming pagpupulong nila Obama at Pangulong Rodrigo Duterte.
Sinabi ni Earnest na hindi pa nila batid kung dadalo si Pangulong Duterte sa nasabing pagtitipon kaya’t wala pa silang maibigay na komento hinggil sa nasabing pagpupulong sa sidelines ng APEC.
Magugunitang nakansela ang pagpupulong sana ng 2 lider sa ASEAN Summit sa Vientiane, Laos noong Setyembre.
Ito’y makaraang makatanggap ng impormasyon ang Pangulong Duterte na gigisahin siya sa nasabing summit hinggil sa mga kaso ng extra-judicial killings na may kinalaman sa kaniyang kampaniya kontra iligal na droga.
By: Jaymark Dagala / Allan Francisco
