Patay sa operasyon kontra droga ang Mayor sa isang bayan ng Maguindanao kasama ang 9 na iba pa.
Nasawi si Datu Mayor Samsudin Dimaukom ng Datu Saudi Ampatuan Maguindanao at 9 niyang tauhan matapos na di umano’y makipagbarilan sa mga pulis.
Batay sa paunang impormasyon, nakatanggap ng impormasyon ang awtoridad na daraan ang grupo ni Dimaukom sa checkpoint sa Barangay Old Bulatukan Makilala North Cotabato na may dalang shabu papunta ng Maguindanao at Cotabato.
Gayunman, nang pahintuin di umano ng awtoridad ang convoy ay nagpaputok ang grupo kayat gumanti ang mga pulis.
Si Dimaukom ay kasama sa listahan ng narco politicians na hawak ng Pangulong Rodrigo Duterte.
By Len Aguirre | Jonathan Andal (Patrol 31)
