Dapat nang magbago si Pangulong Rodrigo Duterte sa kaniyang pagmumura kahit hindi siya kausapin ng Diyos.
Ito ang reaksyon ni Senador Panfilo Lacson kasunod ng naging pahayag kamakailan ng Pangulo hinggil sa kaniyang asta at pananalita.
Aniya, hindi nagbabanta ang Diyos na pababagsakin ang isang eroplano tulad ng sinabi ng Pangulo ngunit naniniwala siya na kumikilos ito ayon sa kaniyang kagustuhan.
Gayunman, sinabi ni Lacson na maging siya, hirap unawain ang mga nagiging pananalita ng Pangulo ngunit umaasa siya na tuluy-tuloy na ang pagbabagong ito.
By: Jaymark Dagala
