Kumpiyansa ang Malacañang na maisusumite ng Aquino administration sa tamang panahon ang panukalang 2016 national budget.
Ayon kay Deputy Presidential Spokesperson Abigail Valte, ihahain ito sa kongreso pagkatapos ng SONA o State of the Nation Address ng Pangulong Noynoy Aquino sa huling Lunes ng buwan ng Hulyo.
Paliwanag ni Valte, noong Enero pa lamang ng taong ito ay sinimulan na ng administrasyon ang paghahanda sa national budget matapos ang implementasyon ng GAA o General Appropriations Act.
By Jelbert Perdez
