Kinilala ng Armed Forces of the Philippines ang tulong na ibinibigay sa kanila ng mga lokal na pamahalaan upang masugpo ang bandidong Abu Sayyaf.
Ayon kay AFP public affairs office chief Col. Edgard Arevalo, malaking bagay sa kanila ang ibinibigay na impormasyon sa kanila ng mga nasa komunidad sa pamamagitan ng mga LGU’S partikular na sa Sulu at Basilan.
Ito aniya ang dahilan kaya’t napatay ng militar kamakailan ang isang miyembro ng Abu Sayyaf matapos itimbre sa kanila ng mga residente na nasa lugar nila iyon.
Kasunod nito, sinabi ni Arevalo na nasisiyahan si AFP chief of staff Lt/Gen. Ricardo Visaya sa ginagawang operasyon ng militar laban sa mga bandido.
By: Jaymark Dagala
