Isasailalim na sa inspeksyon ang mga riles ng Philippine National Railways (PNR) bilang paghahanda sa muling pagbubukas ng Manila-Bicol route.
Ayon kay Jose Florece, Engineer at Naga City PNR Manager, prayoridad ang kaligtasan ng mga pasahero sa oras na maging operational muli ang Bicol Express.
Bibiyahe anya ang PNR Engineers mula Maynila hanggang Ragay, Camarines Sur sa Biyernes, November 18 upang inspeksyunin ang mga riles at i-assess kung ligtas para sa pagbabalik ng biyahe ng mga tren.
Kabilang sa tinututukan ang pagsasaayos ng bahagi ng rail bridge sa Ragay na gumuho noong Marso dahil sa flashflood.
Target ng PNR na buksan muli ang Bicol Express sa December 15.
By Drew Nacino
