Arestado ang lima (5) katao matapos salakayin ng NBI at airport police ang isang computer shop na nag-iimprenta umano ng mga pekeng security access pass sa airport.
Kabilang sa mga nadakip si Renato Dongito, may-ari ng computer shop na matatagpuan sa Brgy. Fort Bonifacio sa Taguig City na isang kilometro lang ang layo mula sa Terminal 3.
Ayon sa mga tauhan ng NBI at aiport police intelligence and investigation division, kuhang-kuha rin sa mga pekeng security access pass ang pirma ni MIAA General Manager Ed Monreal.
Depensa naman ni Dongito, hindi nila alam na ipinagbabawal ang pag-iimprenta ng mga access pass.
Kaugnay nito, naaalarma naman ang mga awtoridad dahil baka makompromiso ang seguridad ng mga paliparan bunsod ng nasabing modus.
By Jelbert Perdez | Raoul Esperas (Patrol 45)
