Dumarami umano ang mga senador na sumusuporta sa pagpasa sa Anti-Political Dynasty Bill.
Kasunod na rin ito nang pagtiyak ni Senate President Franklin Drilon na isusulong niya ang pag-apruba sa nasabing panukala sa pagbabalik ng sesyon sa susunod na buwan.
Kabilang sa mga nagpaabot ng suporta sa bill sina Senador Antonio Trillanes at JV Ejercito na nagsabing ngayon na ang magandang pagkakataon para ipasa ang nasabing panukala.
Sinabi naman ni Senador Vicente ‘Tito’ Sotto III na pabor siya sa Anti-Political Dynasty Bill, subalit may ilang concerns lamang siya tulad ng kung maaaring masaklaw ng panukala ang common law wife o karelasyon ng mga pulitiko.
Una nang nagpahayag ng suporta sa bill si Senador Koko Pimentel.
By Judith Larino | Cely Bueno (Patrol 19)
