Itotodo ng Philippine National Police o PNP ang deployment ng mga pulis para sa traslacion ng Itim na Nazareno sa Lunes.
Ayon kay PNP Chief Ronald Dela Rosa, hindi lang pulis Maynila ang magbabantay sa traslacion.
Huhugot din, aniya, sila ng mga pulis sa Regions 3 at 4 maging sa Quezon City at iba pang lugar sa Metro Manila.
Ayon kay Dela Rosa, binago nila ang security sa pista ng Itim na Nazareno matapos ang nangyaring pagpatay sa lider ng teroristang Ansal Al Khilafa Philippines
Gayunpaman, pinawi ni Dela Rosa ang pangamba ng mga deboto at tiniyak ang seguridad ng mga ito sa Lunes.
By: Avee Devierte / Jonathan Andal
