Ang pagiging gahaman ang nakalilito at hindi ang matapat na paghahanap sa tama at katotohan.
Ito ang buwelta ni Senador Panfilo Lacson kay House Appropriations Committee Chairman Karlo Nograles.
Matatandaang sinabi ni Nograles na hindi totoong may Pork Barrel sa 2017 National Budget at baka, aniya, nalilito lang si Lacson.
Sinabi naman ni Lacson, hindi pa tapos ang pagbusisi niya sa 2017 National Budget at hihimayin pa nila ng kanyang staff ang ilalabas ng Budget Department na 3 o higit pang volume na magdedetalye ng pambansang budget.
By: Avee Devierte / Cely Bueno
