Mariing nanindigan ni Vice President Leni Robredo na hindi siya kasali sa anumang planong patalsikin sa pwesto si Pangulong Rodrigo Duterte.
Pinagdudahan din ng Pangalawang Pangulo ang kumakalat na yahoo group conversation ng mga umano’y nagbabalak sa pagpapatalsik.
Kung sikreto ang pinag-uusapan, bakit, aniya, naka-public ang nasabing online conversation kung saan, bagaman nababanggit ang kanyang pangalan, hindi niya alam kung ano ang kanyang partisipasyon.
Meron din aniyang kumakalat na mga email kung saan nabangit siya muli.
Gayunpaman, hindi na ikinagulat ni Robredo na nabanggit siya sa mga nasabing email dahil, bilang Pangalawang Pangulo, natural lang na maisama siya sa usapan.
By: Avee Devierte
