Hindi muna magpapatupad ng evacuation ang Sorsogon Provincial Disaster Risk Reduction and Management Office sa mga residenteng inabot ng abo mula sa bulkang Bulusan.
Ayon kay Engr. Raden Dimaano, manageable pa ang sitwasyon at hindi pa kailangan ang paglikas bagamat handa naman aniya sila anumang oras.
Sakaling magkaroon ng malakas na pagsabog, aabutin sa 100,000 katao ang posibleng ilikas mula sa 5 bayan na nasa palibot ng bulkan kabilang na ang Juban, Irosin, Casiguran, Gubat, Barcelona at Bulusan.
Samantala, nagdala na ng dusk mask ang mga opisyal ng tauhan ng munisipyo ng Juban para sa mga residenteng apektado ng abo.
By Judith Larino
