Pinag-iingat ni PNP Chief Director General Ronald Dela Rosa ang mga opisyal at ahente ng NBI o National Bureau of Investigation sa pagharap sa kaso ni SPO3 Ricky Sta. Isabel matapos itong magpakustodiya sa ahensya.
Ayon kay Dela Rosa, tuso si Sta. Isabel at may posibilidad na mapaikot nito ang mga taga-NBI.
Iginiit ni Dela Rosa na malakas ang mga ebidensyang hawak ng PNP na magdidiin kay Sta. Isabel sa kasong kidnapping lalo’t sangkot din ito sa iba pang iligal na gawain.
Una nang sinabi ni Sta. Isabel na mas pinili niyang magpa-custody sa NBI dahil sa takot siya sa kanyang seguridad sa kamay ng PNP.
Sumuko si Sta. Isabel sa kustodiya ng NBI noong Lunes, Enero 16.
By: Meann Tanbio / Jonathan Andal
