Patay ang tatlong (3) pulis samantalang dalawampung (20) iba pa ang sugatan sa Karambola ng tatlong sasakyan sa Plomolok, South Cotabato.
Kinilala ang mga nasawing pulis na sina SPO2 Arnel Jales, SPO2 Romar Vistavilla at SPO2 Henry Ballao, pawang mga training officers ng PNP Region 12.
Batay sa imbestigasyon, nawalan ng kontrol ang Honda Fit na sinasakyan ng tatlong pulis kayat bumangga ito sa isang dump truck na may sakay ma mahigit sa isang dosenang police trainees.
Matapos namang mabangga ng Honda Fit, bumangga rin ang dump truck sa isang pampasaherong van sa kabilang lane na may sakay ring mga pasahero.
Kabilang sa mga nasugatan sa insidente ang anim (6) pang police trainees at labing apat (14) na pasahero ng van.
By Len Aguirre
