Inamin ni Manila Mayor Joseph Estrada na hindi pa tapos ang kanyang karera sa politika.
Sinabi ni Estrada na plano niyang tumakbong muli bilang alkalde ng Maynila dahil kulang pa ang 6 na taon para maibalik ang dating ningning ng Lunsod.
Dagdag ni Estrada, pagsasaayos lang sa pagkakamali ng nakaraang administrasyon ang ginawa niya sa kanyang unang tatlong taon.
Aniya, ngayon pa lang sa termino niyang ito siya nagsisimulang ibalik ang taguri sa Maynila bilang Pearl of the Orient.
Samantala, ayaw pa munang pag-usapan ni Estrada ang kanyang mga posibleng kakampi at kalaban dahil masyado pang maaga.
By: Avee Devierte / Aya Yupangco
