Emosyonal na nagpahayag ng saloobin si Senior Superintendent Albert Ferro hinggil sa pagkakabuwag ng pinamumunuan niyang Anti-Illegal Drugs Group.
Ayon kay Ferro, ikinagulat nila ang pagbuwag sa kanilang unit ngunit hindi naman, aniya, nila maaaring kwestyunin ang desisyon ng kanilang mga lider.
Sinabi ni Ferro na nakapanghihinayang lang dahil nakalinya pa ang mga operasyong ikakasa sana nila ngayong taon.
Una nang ipinag-utos nina Pangulong Rodrigo Duterte at Philippine National Police o PNP Chief Ronald Dela Rosa makaraang masangkot ang ilang miyembro ng PNP Anti-Illegal Drugs Group sa pagdukot at pagpatay sa Koreanong negosyanteng si Jee Ick Joo.
By: Avee Devierte / Jonathan Andal
