Dagdag na kaso ang kahaharapin ng mga pasaway na pulis na hindi sumipot sa Kampo Crame at sa Malakaniyang noong Martes.
Ito’y makaraang ipatawag sila ni Philippine National Police o PNP Chief Director General Ronald “Bato” Dela Rosa upang ihatid sa Malakaniyang at paharapin kay Pangulong Rodrigo Duterte.
Ayon kay PNP Spokesman Senior Supt. Dionardo Carlos, aabot sa 264 ang naitalang bilang ng mga pulis na sumipot sa Kampo Crame.
Ngunit nabawasan aniya ito nang dumating na sila sa Palasyo kung saan, nasa 228 na lamang ang mga ito na humarap sa Pangulo.
By Jaymark Dagala | With Report from Jonathan Andal
