Nasawi ang apat (4) na mag-uutol habang isa (1) pa ang nawawala matapos tangayin ng malakas na agos ng tubig sa Cagayan River sa magkahiwalay na insidente sa Isabela.
Ayon kay SPO3 Edmar Mendoza, narekober na ang labi ng 9-anyos na si Manuel Balaba II habang inanod sa bayan ng Iguig sa Cagayan ang bangkay ng 6-anyos na utol niya na si Manuel Balaba III.
Sinabi ni Mendoza na pinaghahanap pa rin ang ama ng mag-utol na nakilalang si Manuel Balaba Jr.
Samantala, pinaniniwalaang nalunod na rin ang mag-utol na sina Rosita Manabat, 9-anyos; at Mark Manabat, 6-anyos, kapwa residente ng barangay San Ignacio sa Ilagan City.
Ayon kay Isabela Chief Investigator Supt. Manuel Bringas, nadulas sa pampang ang nakababatang Manabat habang naglalaro kaya tumalon ang ate nito upang sagipin siya subalit sabay silang nilamon ng rumaragasang agos ng tubig sa ilog.
By Jelbert Perdez
