Naglabas ng heavy rainfall warning ang PAGASA sa maraming lalawigan sa Mindanao dahil sa malakas na pag-ulan bunsod ng umiiral na tail-end ng cold front.
Sa rainfall advisory ng weather agency, pinaiiral ang yellow warning level sa Surigao Del Sur, Agusan Del Sur, Compostela Valley, Davao Oriental, Davao Occidental, Davao Del Sur, Davao Del Norte, Davao City, Sarangani, South Cotabato at North Cotabato.
Dahil dito, nagbabala ang PAGASA na posibleng magkaroon ng mga pagbaha sa mga naturang probinsya lalo na sa mabababang lugar.
Makakaranas naman ng mahina hanggang sa katamtamang pag-ulan ang mga lalawigan ng Misamis Occidental, Camiguin, Lanao Del Norte, Bukidnon, Misamis Oriental, Agusan Del Norte, Surigao Del Norte, Dinagat Islands, Maguindanao, Sultan Kudarat at Lanao Del Sur.
By: Jelbert Perdez
