Dalawampung (20) Koreano ang pinapaslang taun-taon sa buong mundo kung saan 40 hanggang 50 porsyento ay nangyayari sa Pilipinas.
Ibinunyag ito ni Korean Ambassador to the Philippines Kim Jae Shin makaraang makipagpulong si Philippine National Police (PNP) Chief Director General Ronald dela Rosa sa Korean community sa Clark, Pampanga.
Iginiit ni Kim na nakakaalarma ang bilang ng mga napapaslang na Koreano sa Pilipinas kung saan kalahati dito ay naganap sa Pampanga.
Tiniyak naman ni Dela Rosa sa Korean Community ang kaligtasan ng mga ito.
By Meann Tanbio | Report from Jonathan Andal (Patrol 31)
