Namamayani na umano ang takot sa mga mambabatas sa mababang kapulungan ng Kongreso.
Ito’y ayon kay Ifugao Representative Teddy Baguilat ay kasunod ng pagbabanta House Speaker Pantaleon Alvarez sa mga kumokontra sa death penalty bill.
Ayon kay Baguilat, marami sa kanila ang ayaw matulad kay Senadora Leila De Lima na kasalukuyang nahaharap sa matinding batikos at kritisismo mula sa mga kaalyado ng administrasyon.
Bagama’t aminado si Baguilat na nakararanas din sila ng pressure noong nakalipas na administrasyon, ngunit iba aniya ngayon na may halo nang pagbabanta na unang pagkakataon sa kaniyang panunungkulan.
By Jaymark Dagala
