Maaaring arestuhin sa Senado si Senador Leila de Lima kapag ito ay iniutos na ng korte.
Sinabi ni Justice Secretary Vitaliano Aguirre sa programang, “Sapol ni Jarius Bondoc,” na nangako na rin ang pamunuan ng Senado na hindi nila haharangan ang arresting officers kung kakailanganin.
Sinabi ni Aguirre na bahala na si De Lima kung hihilingin nitong huwag sa Muntinlupa City Jail makulong.
“Kung usual detention center yan, kapag ikaw ay nakasampa ang kaso sa isang city tulad ng Muntinlupa, sa city jail ng Muntinlupa dapat i-detain yun ang natural na dapat gawin, unless you will be demanding special privileges.”
PAKINGGAN: Bahagi ng pahayag ni DOJ Secretary Vitaliano Aguirre
High profile inmates as witnesses
Nilinaw ni Justice Secretary Vitaliano Aguirre na hindi pakakawalan ang mga high-profile inmate ng New Bilibid Prison (NBP) na tumayong testigo laban kay Senador Leila de Lima.
Sinabi ito ni Aguirre kasunod ng pagsasampa ng kaso laban kay De Lima sa Muntinlupa Regional Trial Court kahapon.
Sinabi ni Aguirre na kasama sa kaso ni De Lima si Ronnie Dayan, ang dati nitong bodyguard dahil hindi naman ito nag-apply sa Witness Protection Program (WPP).
“Hindi naman sila palalain, nakakulong pa rin sila sa pinagkasalaan nila pero tetestigo sila, pero hindi na sila kasama sa mga additional na demanda kay De Lima.”
By Katrina Valle | Sapol ni Jarius Bondoc (Interview)
