Makakakuha ng kumpletong proteksyon sa PNP custodial center si Senador Leila De Lima.
Tiniyak ito ni PNP chief director general Ronald ‘Bato’ Dela Rosa matapos i-alok ang custodial center para pagkulungan kay De Lima sakaling ma isyuhan na ito ng arrest warrant.
Sinabi ni Dela Rosa na ang custodial center ay isa sa mga ligtas na detention center sa buong bansa dahil nasa loob ito ng Camp Crame.
Sinisiguro aniya niyang ligtas sa loob ng Camp Crame si De Lima.
Ayon pa kay Dela Rosa, hindi pa nakikipag ugnayan sa kaniya ang DOJ o ang kampo mismo ni De Lima kaugnay sa pagdadalhan sa senadora kapag naaresto na ito.
By Judith Estrada Larino
