Ipinagmalaki ng komedyanteng si Rufa Mae Quinto na kumpleto na ang kanyang buhay ngayon matapos isilang ang kanyang anak na si Athena Alexandria.
Ayon kay Rufa Mae, nagbago ang ikot ng kanyang mundo nang makilala niya ang kanyang mister na si Trev Magallanes noong nakaraang taon at hindi naglaon ay nagdalantao siya.
Sinabi ng aktres na matagal niyang hinintay ang pagkakataong ito at nagpapasalamat siya sa Diyos na nakahabol pa siya sa kabila ng kanyang edad.
Inamin ni Rufa Mae na nahirapan siya sa kanyang pagbubuntis pero ‘worth it’ naman aniya ang sakit na dinanas niya sa pagdadalantao at panganganak.
By Jelbert Perdez
