Arestado ang labing limang (15) Chinese national at isang Pilipino dahil sa iligal na operasyon ng online gambling sa Ortigas, Pasig City.
Sinalakay ng Philippine National Police Anti – Cybercrime ang YD International Incorporated dahil wala umano itong permit to operate mula sa Philippine Gaming Corporation.
Natuklasan pa na pawang mga iligal na manggagawa ang mga Chinese dahil walang working visa ang karamihan habang expired naman ang passports ng iba.
Pinabulaanan naman ng Pinoy na may kinalaman siya sa naturang illegal online gaming shop dahil taga-asikaso lamang siya ng mga bayarin sa naturang tanggapan.
By Rianne Briones
