Nanawagan ang NBI o National Bureau of Investigation sa mga taong may mga pekeng NBI ID card, tsapa, at permit to carry firearms na isuko na ang mga ito upang hindi na sila managot sa batas.
Sinabi ni NBI Deputy Director for Counter Intelligence Sixto Burgos, tatanggapin ng NBI ang mga isusukong pekeng dokumento nang walang anumang tanong.
Una nang inaresto sa isang entrapment operation ng NBI noong isang gabi ang mag-asawang Solomon at Shirley Viloria dahil sa pamemeke at pagbebenta ng NBI credentials.
Ibinibenta ng mag-asawa ang pekeng NBI ID card, mission order, at permit to carry firearms sa halagang 10,000 hanggang 15,000 Piso.
By: Avee Devierte
