Nakakita ng paglabag ang Malacañang sa paglabas at pagkalat ng larawan ng mga hubo’t hubad na mga bilanggo sa Cebu City Jail.
Sinabi ni Presidential Spokesman Ernesto Abella, malinaw na nalabag ang right to privacy ng mga preso kaya’t dapat na matukoy kung sino ang naglabas ng mga puslit na larawan.
Gayunpaman, may katwiran, aniya, ang mga jail official kung bakit kinakailangang hubaran ang mga preso nang gawin ang anti-drug operations ng Philippine Drug Enforcement Agency.
Sinabi ni Abella na nagmula mismo kay Cebu Governor Hilario Davide III ang direktibang hubaran ang mga preso nang ipag-utos ang sorpresang inspection sa Cebu Jail.
Dagdag pa ng tagapagsalita ng Pangulo, may mga nakumpiskang patalim sa ilang mga bilanggo.
By: Avee Devierte / Aileen Taliping
