Nilagdaan na ni US President Donald Trump ang panibagong travel ban nito laban sa anim (6) na Muslim countries sa mundo.
Batay sa memorandum order na nilagdaan ni Trump, hindi papayagang makapasok sa Amerika ang mga mamamayan ng Syria, Iran, Libya, Somalia, Sudan at Yemen.
Hindi naman kasama sa nasabing listahan ang Iraq dahil sa inaasahang pagpapaigting ng kooperasyon nito sa Amerika.
Magugunitang umani ng kaliwa’t kanang batikos ang orihinal na executive order ni Trump na nagbabawal sa mga mamamayan ng lahat ng Muslim countries na pumasok sa Amerika.
By Jaymark Dagala
