Dumepensa ang Philippine Army sa pag-imbita nila kay MTRCB Board Member Mocha Uson bilang isa sa guest speakers sa army senior leaders’ conference ngayong Marso na may temang “Embracing Diversity, Building A Strong Army.”
Ito’y makaraang batikusin ng ilang netizens ang hakbang ng army lalo’t ipinagmalaki pa ni Uson sa kanyang Facebook page ang pag-imbita sa kanya ng Armed Forces Of the Philippines o AFP.
Ayon kay Army Spokesman, Col. Benjamin Hao, inimbitahan nila ang MTRCB Official upang ibahagi nito ang kanyang mga karanasan bilang blogger na mayroong 4.8 million likers o followers, para sa paksang “challenges of a social media personality.”
Layunin anya ng taunang conference na itaguyod ang kamalayan ng mga opisyal ng militar sa mga hamong pang seguridad sa pamamagitan ng mga tatalakaying topic ng speakers.
By Drew Nacino |With Report from Jonathan Andal
