Matapos ulit magbalik bilang Kapamilya si Claudine Barreto ay tila may isa pang magbabalik sa kanyang buhay.
Inamin ng aktres na magkaibigan na muli sila ng kanyang asawang si Raymart Santiago.
Ayon pa kay Claudine ay ipinadala muna niya kay Raymart ang mga tanong sa kanya ng show bago siya sumalang sa interview.
Tumawag rin ang aktres sa nakahiwalayang asawa at tinanong mismo dito kung ano ang isasagot niya kung sakaling matanong nga ang tungkol sa estado ng kanilang relasyon.
Hindi raw niya kasi alam kung civil ba o friends ang kanyang isasagot.
Saad pa ni Claudine, ngayong taon lang unti-unting naging maayos ang pakikitungo nila ni Raymart sa isa’t-isa.
Ayon pa sa aktres ay ginawa rin nila ito ni Raymart para sa kapakanan ng kanilang dalawang anak na sina Sabina at Santino.
By Arianne Palma
