Iniimbestigahan na ng NBI o National Bureau of Investigation ang mga umano’y maanomalyang kasunduan na pinasok ng NPO o National Printing Office sa tatlong pribadong kumpanya.
Ayon kay NBI Deputy Director for Intelligence Vicente De Guzman, sinimulan na nilang imbestigahan ang printing jobs para sa Social Security System (SSS) base na rin sa kahilingan ng PCCO o President Communications Operations Office.
Sinabi ni De Guzman na iimbitahan nila ang lahat ng mga posibleng sangkot sa mga nasabing transaksyon bago irekomenda ang mga dapat managot dito.
Sinasabing ang NPO ay mayroong P74-M na kontrata sa Western Visayas Printing Corporation subalit nagbigay din ang NPO ng work orders sa tatlong iba pang kumpanya na kinabibilangan ng Best Forms Security Printer sa halagang P34-M, Tri Print Work sa P27-M at Metro Color sa P15-M.
By Judith Larino
