Itinanggi ni Magdalo Representative Gary Alejano na bahagi ng kanyang planong pagtakbo sa Senado sa 2019 ang paghahain ng impeachment complaint laban kay Pangulong Rodrigo Duterte.
Ayon kay Alejano, wala siyang planong tumakbo sa pagka-senador at ang Magdalo group aniya ang silang pumipili ng kanilang kandidato para sa isang posisyon.
Sinabi ng mambabatas na gumagawa lamang ng isyu ang Malacañang para mailihis ang atensyon ng publiko.
Matatandaang si Alejano ang naghain ng supplemental complaint-affidavit, dalawang linggo lamang matapos itong magsampa ng impeachment complaint laban kay Pangulong Rodrigo Duterte.
By Ralph Obina
