Nakatakdang bumiyahe si Pangulong Rodrigo Duterte sa tatlong bansa sa Middle East sa susunod na linggo.
Sa pre-departure briefing kanina sa Malacañang, sinabi ni Foreign Affairs Assistant Secretary Hjayceelyn Quintana na bibisita ang Pangulo sa Saudi Arabia, Bahrain at Qatar mula April 10 hanggang 16.
Ayon kay Quintana, makikipagpulong si Pangulong Duterte sa mga lider ng tatlong nabanggit na bansa upang maiparating ang concerns ng mga OFW o Overseas Filipino Workers.
Inaasahan din aniyang makikipagkita ang Pangulo sa Filipino communities doon.
By Meann Tanbio
