Nagsisimula nang dumagsa ang mga biyahero sa mga bus terminal at paliparan ngayong Semana Santa.
Sa Araneta Center Bus Terminal, anim hanggang pitong libong (6,000-7,000) mga pasahero na ang umalis kahapon araw ng Linggo at inaasahan na mas dadami pa ito sa Miyerkules Santo, huling araw ng pasok sa mga trabaho.
Fully booked na rin ang mga airconditioned bus sa nasabing terminal ngunit hinihintay pa ang advisory ng kumpanya ng bus kung magdadagdag pa ng biyahe.
Marami na ring mga pasahero ang nagpa-reserve na ng kanilang biyahe sa iba pang mga bus terminal sa Pasay City.
Samantala, naitala naman ang labing limang (15) porsyentong pagtaas ng bilang ng mga pasaherong dumadagsa sa Ninoy Aquino International Airport (NAIA).
By Rianne Briones
