Regular nang magsasagawa ng Maritime Security Patrol ang Philippine Navy sa Benham Rise.
Ayon kay AFP Chief of Staff General Eduardo Año, ipinag-utos na niya ang pagpapadala ng barko sa Benham Rise partikular ang BRP Davao Del Sur, ang bagong strategic sealift vessel ng navy.
Bukod sa BRP Davao Del Sur, sinabi ni Año na magpapatrolya din sa Benham Rise ang BRP Lanao Del Sur.
Kasabay nito, ipinabatid ng AFP Chief na sumasailalim na sa sea trial ang BRP Davao Del Sur na sister ship ng BRP Tarlac na siyang pinakamalaking operational warship ng Philippine Navy.
By: Meann Tanbio
