Mga missile test ng North Korea tuloy

Ipagpapatuloy ng North Korea ang kanilang mga missile test sa kabila ng bantang giyera ng Estados Unidos.

Ayon kay North Korean Vice Foreign Minister Han Song-Ryol, linggu-linggo, kada buwan at taon sila magsasagawa ng missile test.

Maaari lamang anyang sumiklab ang “all-out war” kung maglulunsad ang Amerika ng military action.

Una ng ibinabala ni US Vice-President Mike Pence na maaaring maubos ang pasensya ni President Donald Trump sa NoKor kung magpupumilit ito na magpakawala ng mga inter-continental ballistic missile.

Samantala, nasa paligid na ng Korean Peninsula o nasa bahagi na ng East China Sea ang ipinadalang naval strike group ng Amerika.

By Drew Nacino

Comments

comments