Isa na namang Doctor to the Barrio o Volunteer Doctor sa mga liblib na lugar ang pinaslang ng mga hindi pa nakikilalang salarin.
Batay sa ulat ni Health Secretary Paulyn Ubial sa Malakaniyang, alas onse ng umaga kahapon nang patayin si Dr. Shahid Jaja Sinolinding sa kaniyang klinika sa Cotabato City.
Nagpanggap na pasyente ang suspek kaya’t naisakatuparan nito ang pagbaril sa doktor na siyang dahilan ng agad nitong pagkamatay.
Mariin namang kinondena ng Department of Health ang pangyayari na ikalawang kaso na sa loob lamang ng dalawang buwan.
By: Jaymark Dagala / Aileen Taliping
